La Usc di Ladins

Ai 30 de juni à i uemes dl Aiut Alpin fat n ntervënt sun Pana per na reazion alergica. N jëunn dla Norvegia che ova maià zeche da cuces se stëntova dassënn a tré l fla. Deberieda cun si oma l àn menà cun l joler tl spedel de Persenon.
Domesdì iel stat n’emergënza sanitera a Col Alt – l pazient àn menà tl spedel de Burnech.
Plu tert fova n seniëur nglëisc tumà cun l motor sun la streda da Pruca ite, propi sot ala sënta dl Aiut Alpin Dolomites. N à audì n drë’ tumblon y riesc do iesen unic cherdei per l ntervënt. L ël se ova fat mel ala rëpes y al brac. N l à ciarià tl vacuum y purtà sun la plaza dl joler a Puntives, da ulache n l à menà tl spedel de Persenon.
Ai 1. de lugio ie duc i ntervënc stac ora dla Ladinia, doi a Nueva Ladina y un a Perbian.

De plu tla edizion stampeda de La Usc di Ladins o sun l e-paper a paiament www.lausc.it/e-paper