La Usc di Ladins

De ndut 61 sculeies y sculées à fat chëst ann la matura tla scoles autes de Urtijëi: tl Lizeum d’Ert Cademia, tla Scola prufesciunela per l artejanat artistich La Prufesciunela y tl Istitut Tecnich Economich Raetia. La ti à drët butà, nes à fat al savëi la diretëura dl Lizeum d’Ert Maria Teresa Mussner, duc canc ie passei y possa śën jì inant sun si streda de vita.

La diretëura Maria Teresa Mussner fova chëst ann presidënta esterna dla cumiscion d’ejam tl ITE de Urtijëi. Feter uni ann se tòlela su chësta ncëria, for te n’autra scola auta ladina. “A mi me sàl scialdi bel a l fé. L fej legrëza a udëi tan inant che i sculeies ie ruvei, che i ie deventei persones jëunes madures y njeniedes per l mond dl lëur o n studium”, nscila Mussner: “Coche diretëura me fej l cuntat cun i sculeies bon. L ie n gran lëur, ma na bela esperienza a udëi tan bën che la scola ladina njenia ca i mutons y la mutans per l mond dl lëur”.

Elisabeth Kostner

L articul va inant tla edizion nueva de La Usc di Ladins de duman vënderdi ai 10 de lugio.