La Usc di Ladins

En Sènta Maria Maor ogne an n numer semper maor de jent se bina tel zenter de Ciampedel per tor pèrt a la festa di Omegn da Mont, ma enceben che sie n grumon de foresć e nosc lengaz ladin cogne vegnir lascià mingol da na man, chest resta n event olache se sent semper bater l cher fascian.
Chest an la dì é stata averta te Piaz Veie da Stefano Lazzer, che ge à dapò dat la parola al vizepresident di menacrepes de Fascia Davide Rovisi e dapò l é stat la messa grana ofizièda da don Mario Bravin adum con don Claudio Marchetti. 

Do la defilèda, averta da la Musega Auta Fascia, duc se à tramudà dedant al Monument a la Guides:c hiò Stefano Lazzer à portà dant informazions su la storia del alpinism fascian e l é entervegnù l ombolt de Ciampedel Alessandro Bernard sotrissan l'emportanza de chesta festa per duc chi che va a crepes e Luigi Felicetti 'Pastina', che ence a inom de Menacrepes e Socors l ge à dit n develpai a la SAT percheche la rencura i troes e l à uzà fora l apel a duc a tegnir en conscidrazion con respet l gran empegn di socoridores: i é semper a la leta ma no se pel se n profitèr con lejiereza.

Podede lejer dut su La Usc stampèda dai 21 de aost da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)