Nadia Rungger L ie na gran emozion pudëi avëi l liber de poejia tla man. L titul ie “cësa da lat dijes tu / milchhaus sagst du” y nscila à mi poejies nce giapà na cësa cun chësc liber. L ie manco n mumënt sun chël che é aspità, ma plu che auter iel truepa de bela cosses da njenië ca y da pudëi fé. Dan n valgun dis éi liet ora dl liber a Samedan y San Moritz tla Svizra y tosc sons pra n festival de leteratura tla Umbria. Me ncunforte sun la prejentazions de setëmber tl Tublà da Nives te Sëlva y a Bulsan tl SKB Artes. Y plu inant iel nce letures a Dispruch, Viena y a Quebec tl Canada pra n festival nternaziunel de poejia.
Duta la ntervista pudëis liejer tla edizion atuela de La Usc.
