La Usc di Ladins

Chest'aisciuda l Comun de Sèn Jan con l'assessora a la cultura Mirella Florian à portà dant, en colaborazion con la sociazion »Liberi da dentro« trei scontrèdes per envièr la comunanza a cognoscer e fèr na reflescion sun temes desche la degnità, i deric e l sistema de la perjons te la Tèlia
Ades semper con la medema sociazion l é stat endrezà n'autra scomenzadiva, dassen enteressanta e fora de anter. Se trata de la »Biblioteca vivente«, n sistem nef che permet de cognoscer realtèdes desferentes travers l dialogh e la testimonianza direta e personèla. Te chest cajo i »libres vivenc« l é persones che é, o che é states, te la perjon de Trent. En lunesc ai 24 de aost donca duc chi che rua te piaz de Comun a Sèn Jan (se l pief te sala del Consei) da les 16:30 a les 18:30  i podarà se 'tor adimprest n liber uman', e rejonèr visavì con persones che de spes é oget de pregiudizies e discriminazions, che se desfanta sorì te chi che vel se tor mingol de temp per scutèr esperienzes vivudes.

Podede lejer dut su La Usc stampèda dai 21 de aost da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (LG)