La Usc di Ladins

Ence sto ann, come oramei da tradi­zion, l’ultima sabeda de agost, nte la cortina de viera de Valparola l é sté tignù la scempla ma sentuda celebrazion per recordé i morc de la Pruma Viera, tomei nte le mont dintourn e che ilò é stei sepolis e per perié per la pesc ntel mondo. Ence se la bela giornada ciauda da fin de isté la clamáva a jì da mont su, empò nte chël pico canton de chiet ntra lersc e pëc s’a biné na bela clapada de jent, siebelo del luoch che de sciori per scouté su la S. Mëssa dita dal Degán de Badia scior Iaco Willeit e da don Andrea, n joven preve da l’Ugánda rué cassù per se passé envalgugn dis. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper