La Usc di Ladins

Domënia passada su la ponta de Pizac, soura Reba, la comunité religiosa fodoma la s’a endavò biné per perié e benedì la val contra le calamité del temp. La celebrazion l’eva stada metuda a jì per l prum viade n l ann passé, tres entourn a la metà de setembre, nte na giornada freida e co na picola brija che ava sblanchjé i prei ma che per chëst no n ava scoragé troc fedeli a tò pert. Sto ann enveze l temp a daidé prò co na bela giornada ciaudina che enviáva proprio a jì da mont su. En luoch significatif. La crousc sun Pizac defati l’eva stada voluda e benedida ntei prums agn del 1930 dal Cardinal Merry del Val, che ava sogiorné proprio sa na Reba via per l’isté del 1924, 1925, 1926 e 1929, per preservé la val da evénc cata­strofizi.

Deplu te la edizion dl vender, 22 de setember.