La Usc di Ladins

Darè la prima prejentazion a Fodom del 08 de dizembre, chest secondo apuntament l é stà pensà a Col proprio per contà l liber davant da dut »a nosta jent« coche à dit Luciana (autre prejenta­ziogn i é difati pervedude a Bolzan e nte le zità pi grande, ndr). Na mejora ulache Palla l’à respondù a le domande de Giulia Tasser e l’à contà in curt l laor de analiji che l’à portà navant per scrive i ultimi cuarant’agn de storia de noste comunità. Tanta de la jent in sala l’ava a cesa l prim laor de Luciana, chel dat fora del 1986, e la é stada contenta de podè vede e comprà la nuova edizion del liber, chela che conta ben zent agn de storia de noste jent ladine. L intervent de la storica Palla l s’à sarà via co la speranza che le nuove generaziogn le ciate fora e le posse portà navant modi per vive e laurà nte suoi pais e che l raport col teritorio, la jent e co l’identità i torne coche punti zentrai de la vita da ogni di. (Giulia Tasser)

De plu tla edizion stampeda de La Usc di Ladins o sun l e-paper a paiament www.lausc.it/e-paper