La Usc di Ladins

Truep dutores ie n carantena te Gherdëina. Mpo iel mesun i cherdé su. Y tan inant che la va, possa i dutores nce judé, tres telefonn. Sce l va pona propi debujën de na vijita, pona dajerà i dutores che ie n carantena dant l inuem de n auter dutor o de n’autra duturëssa.

La situazion di dutores de familia y di mutons te Gherdëina ie chësta (n merdi ai 17 de merz da sëira, ndr.):

L dutor Giuliano Piccoliori y l dutor Michael Trocker ie da abiné tres telefonn da si pazienc. Tl cajo de bujën ti dà i doi dutores ai pazienc l inuem y l numer de telefonn dl dutor o dla duturëssa che possa fé la vijita mpede ëi.

L dutor Simon Kostner vën reprejentà dala duturëssa Cordula Weber. La duturëssa Weber ie da abiné tres telefonn, sibe per si pazienc che per chëi dl dutor Kostner. Tl cajo de bujën ti dà la duturëssa Weber ai pazienc l inuem y l numer de telefonn dl dutor o dla duturëssa che possa fé la vijita mpede ëila. La duturëssa Cordula Weber ie da abiné tres doi numeri de telefonn: 347 2297492, o tres l 340 5962045.

L dutor Valentin Tröbinger y la duturëssa Barbara Micoli ie da abiné tres telefonn da si pazienc. Sce l ie pona debujën, fajerài ora cun si pazienc n terminn per na vijita.

La duturëssa di mutons Vesna Murganic ie da abiné da si pazienc (genitores y respunsabli di mutons). Tl cajo de bujën ti dà la duturëssa Murganic ai pazienc l inuem y l numer de telefonn dl dutor o dla duturëssa che possa fé la vijita mpede ëila.

David Lardschneider

FOTO:
Dutores te Gherdëina.