La Usc di Ladins

»Restart« ie la parola dl mumënt, scumencé inò da nuef. Nsci à nce fat i artisć dl’Unika, che se lascia inò udëi cun na mostra tla galaria »StallArt« sun l luech da Pecëi via n Sureghes.

La televijion dl’Austria se à nteressà per la mostra
Ntant iel perchël da udëi ti trëi fins dl’ena che vën, dai 26 nchin ai 28 de juni, dai 3 nchin ai 5 de lugio y pona mo dai 10 nchin ai 12 de lugio, la bela mostra te drë’ tan na bela »location« sun l luech da Pecëi tla streda Nuaves.
La televijion dl’Austria, dl ORF III, se à ënghe nuzà de chësta ucajion per tò su n valguna mprescions dl’ert dl’Unika, che unirà mustredes te na trasmiscion mo via per chësc instà.

UK

FOTO: Lëures di artisć dl’Unika ti selfs de StallArt.