Aldò dla urdenanza de prëscia dl Presidënt dla Provinzia sarà la proscima senteda de Chemun de Sëlva zënza publich.
N juebia ai 30 de lugio dala 18.00 iel te Sëlva senteda de Cunsëi de Chemun. L ordenn dl di ie tan che fat, ma l pudëssa mo unì a s’l dé vel ’ntegrazion o mudamënt ti proscimi dis. Ntan la senteda uniràl dat pro l regulamënt per la determinazion y l scudimënt dl cuntribut de ntervënt y l regulamënt per la urganisazion di pruzedimënc aministratifs y l’istituzion dl "front office" per la pratiches dl frabiché y de cuntreda. L sarà pona l adatamënt dla tarifes relatives a servijes y prestazions coche nce i dërc de secretariat che reverda materies urbanistiches y dl frabiché. Sun l ordenn dl di iel plu mudamënc dl plann urbanistich cumenel: mudamënt dl raion per nfrastrutures tl raion da jì cun i schi "Zirmëi", nserimënt de n raion per njins publics - aministrazion y servijes publics a scumenciadiva privata "Piz Setëur – Sole". L sarà pona l’armunisazion grafica dl plann de cuntreda y dl plann urbanistich cumunel cun normes de atuazion revardëntes, y pona nce l’apruazion dla anutazions de retifica al documënt unich de prugramazion (DUP) 2020-2022, cun mudamënt de bilanz, cun recunescimënt dla legimità de debic ora de bilanz. Inant uelen dé pro l stude de fatibltà per la realisazion de n garage dlongia la plazes da tennis Isgla. Oradechël saràl mo da dé pro la ntegrazion y l mudamënt al cuntrat de servisc di 09.12.2015 cun Alto Adige Riscossioni Spa y da dé pro l protocol dla senteda dla nduneda de cuordinamënt dla sozietà Alto Adige Riscossioni Spa.
FOTO: La Cësa de Chemun de Sëlva.
Chemun Sëlva: urbanistica y regulamënc
Galaria retrac
View the embedded image gallery online at:
https://www.lausc.it/valedes-ladines/gherdeina/13131-chemun-selva-urbanistica-y-regulamenc#sigProIdedc8accbff
https://www.lausc.it/valedes-ladines/gherdeina/13131-chemun-selva-urbanistica-y-regulamenc#sigProIdedc8accbff