La Usc di Ladins

Chësc fin dl’ena festejea l Museum Gherdëina 60 ani da si giaurida.
Danz che l ne n’ie nia unì prugramà na gran festa, pervia dla crisa covid, ma l aniverser ie mpo na ucajion per ti purté inò n iede mpue’ plu daujin ala jënt de Gherdëina la gran ufierta dl Museum De gra ala vijion de set fundadëures y la despunibltà de truepa persones a mpresté pec de valuta, à l Museum tl scumenciamënt d’agost dl 1960 pudù giaurì si portes tla Cësa di Ladins tl zënter de Urtijëi. L fova l prim museum tl Südtirol tl tëmp do la viera che ie unì metù su tres scumenciadiva privata y de ulentariat. Sot ala presidënza de bera Robert Moroder de Levigi belau 50 ani alalongia y cun l mpëni de na lingia de cunlauradëures y sustenidëures, iel unì svilupà y slargià.

Deplù tla edizion stampeda di 7 de agost.

FOTO: I fundadëures dl Museum cun si fenans y d’autri partezipanc ala jita tl’Austria (Franz-Josephs-Haus m 2418) ai 28.10.1968. Da man ciancia: Edgar Moroder, Alex Moroder de Rusina, Robert Moroder Pramureda, Heinrich Moroder de Doss, Antonia Moroder de Doss, Luis Piazza da Cudan (si fëna Frida Prinoth fej bonamënter la foto), Agnes Kostner Moroder de Doss, Paula Moroder de Rusina, Edith Moroder de Doss y si uem Gilo Prugger, Josef Perathoner de Mestegros y si fëna, Prof. Luis Senoner de Domur y si fëna Mariana Kerschbaumer dl Pech.