La Usc di Ladins

Ai 26 de auril dl 1940 ie nasciù a Urtijëi Hansjörg da Scurcià. Ti ani setanta y otanta àl arjont – cunesciù coche Giorgio Moroder – l suzes mundiel cun si produzions inuviatives de disco music, dantaldut per coche l se à nuzà dl synthesizer. Danter i truep pesć iel ruvà a vëncer l Oscar, y chël bën trëi iedesc: tl 1979 per la miëura culona sonora cun l film »Fuga di Mezzanotte«, tl 1984 per »Flashdance... What a Felling« per la miëura ciantia, coche nce tl 1987 per »Take my Breath Away«. Chisc y truep d’autri suzesc, coche per ejëmpl »Un’estate italiana«, l à purtà a unì recunesciù coche na icona dl panurmana nternaziunel dla mujiga eletronica y nce pop.
La gran amirazion per Giorgio Moroder, che ie zitadin d’unëur de Urtijëi, ie unida lecurdeda te truepa formes ti ultimi ani: danter referi- mënc tla meludies de cianties, laudes te ntervistes – coche p. ej. dal rapper y ciantarin Fedez, che ie n gran amiradëur – y referimënc ti tesć.
L ultimo ejëmpl de referimënt à iust giapà la zertificazion d’or, de 25.000 copies vendudes, nianca doi enes do si publicazion. La grupa ie Club Dogo, n trio iconich dla mujiga rap taliana, danter la plu mpurtantes y relevantes dla storia dl genre a livel naziunel. Ti prim ani dl milené nchin su tl 2014 à la grupa abù n gran suzes culetif. Pona ie uniun jit inant per si streda solista. Do diesc ani dal ultimo album, se ài inò metù adum per n proiet nuef, unit ora dan doi enes, n album cun l medemo inuem dla grupa.
Ma ce cunliamënt à pa dut chësc cun Gherdëina, o miec, cun Giorgio Moroder?

L articul tla edizion nueva de ncuei vënderdi ai 26 de jené de La Usc di Ladins.

Bruno Maruca