La Usc di Ladins

L ultim fin dl'ena, ai 22 de setëmber, àn te Sëlva festejà la Segra dl luech. N di de festa per duta la cumenanza, ma dantaldut n di de zelebrazion mpurtant per la Lia per Cultura y Usanzes de Sëlva che festejea chëst ann i 60 ani de atività. Scumencià à la Segra de Sëlva cun na bela Santa Mëssa da mesa la diesc danmesdì. Truepa jënt dl post, ma nce zitadins di autri chemuns dla valeda, ie unic adalerch per zelebré deberieda cun l digan Sn. Ivo Costanzi la Santa Mëssa tla dlieja de Santa Maria. Abelì la mëssa à l Cor de Dlieja de Sëlva che, acumpanià da urchestra y orgun, à ciantà y sunà la bela »Missa in B« de Franz Schubert, sot ala bachëta de Andreas Senoner.
Do la zelebrazion dla Santa Mëssa ie i cumëmbri dla Lia per Cultura y Usanzes, acumpaniei dala Mujiga de Sëlva y dai scizeri, muec te na defileda de viers dla plaza de Chemun, ulache...

Sara Senoner

L articul va inant tla edizion nueva de ncuei de La Usc di Ladins.