La Usc di Ladins

L ie unit a s'l dé n nzidënt de lëur a Urtijëi ntëur da mesa la un, tla streda Sobosch. L cumandant di Destuafuech de Urtijëi Christian Stuffer à spiegà a La Usc che l fova n camion majer, ulache l ie nce n njin che mescëida l peton lessù. L laurant à ulù cialé sce dut vede bën y à cialà ite tl njin, canche l cuiertl de chësc se à stlut ados ala persona. Do chësta desgrazia, ie l laurant arsì adum sun l camion. Da iló l à i uemes di Destudafuech ciarià sun na barela y purtà permez ai dutores. I uemes dla Crëusc y l dutor de emergënza dl AAD ti à fat la prim cures al laurant.

L joler dl Aiut l à menà a Bulsan te spedel.

JL