La Usc di Ladins

L fova n mumënt de gran legrëza per la autëures dl liber Claudia Urthaler y Sara Welponer: la pre­jentazion dl liber nuef dal titul »L itiosaur de Secëda« tla Cësa di Ladins n vënderdi ai 10 de jené. Ma nia mé per ëiles. Ala prejentazion ne pudova sambën nia mancë i doi »jëuni« de Gherdëina che ova ntlëuta, tl 1968, giatà i osc de n tier drët particuler tla ròtes sot ai Ëures de Secëda: Meinhard Strobl y Johann Comploj. Propi a Meinhard ti àn n vënderdi ntan la prejentazion nce scincà na bela tëurta, davia che l fova propi l di de si 79ejimo cumpli di ani.

Na festa garateda, nce ajache la sala dla biblioteca »Anda Malia« fova tocia y plëina de jënt, tant che n ne n’univa nia plu da porta ite. »L ie n sëni che on de bujën de na Cësa di Ladins nueva«, à dit la autëura Claudia Urthaler ntan la prejentazion.

Elisabeth Kostner

L articul sarà da liejer tla edizion nueva de La Usc de duman vënderdi ai 17 de jené.