La Usc di Ladins

Nce chëst ann à i Destudafuech de Santa Cristina urganisà si festa ta Iman. N chëla fin dl’ena à nce la Lia dl Turism metù a jì na defileda. Na gran bela cumpëida de jënt iel stat sibe la sada che la dumënia.
N sada à la festa scumencià dala cinch domesdì. Dala ot da sëira àl sunà la grupa »Plumac«. La grupa a sunà nchin a tert y n valguni à nce abù l snait de balé mpue pra i ritms mescedei. Do la diesc da sëira àn pudù se spusté mpue plu injù pra l stont dala snops ulache DJ Diegopesx à acumpanià la sëira cun mujiga eletronica. N dumënia àn bele dan­mesdì via pudù jì al Frühshoppen y dala undesc àl sunà i »Südtiroles Hoderlumpm« – do na paussa ntan mesdì àn fat la defileda tradiziunela tres l zënter de Santa Cristina dla usanzes de Gherdëina. Do chël, che fova nce lià a na prejentazion de chësta usanzes cun vel’ cunzert dla Mujighes; per finé via la festa di Destudafuech iel mo stat l cunzert dla grupa »Los Desperadors« dala sies da sëira inant.

Deplù n con' de chësc pudëis liejer tla edizion nueva che vën ora n juebia ai 14 de agost.

Julia Lardschneider