La Usc di Ladins

Ai 27 de jügn él sté a Fagagna, tla provinzia de Udine, la sentada generala dla ANAPRI – l’Associazione Nazionale Allevatori Pezzata Rossa Italiana. Al é l’assoziaziun nazionala di zidladus de vaces zinces, tan co les vaces da taces rosses ch’i odun tan gonot sön nostes pastöres y nüsc ciampoprá. Al é sté na sentada particolara, deache al ê da lité danü le diretif y la uniun á ciafé por le pröm iade n presidënt ladin: le paur Martin Deval, paur dl Lü de Iosc a Al Plan. Deval á bele albü la funziun da vizepresidënt tles ultimes döes legislatöres passades y á sëgn tut ite le post dl presidënt furlan Franco Moras, che é sté al tomun dla ANAPRI ti ultims 27 agn. I un orü s’la cunté cun Martin Deval, por capí damí ci che chësta assoziaziun fej, ci importanza che Südtirol á laite, ci impëgn che la inciaria comporta y ciünes che é les desfides por le dagní.

La intervista cun Martin Deval podëise lí t’La Usc di Ladins di 14 d’agost.  (Intervista: Pablo Palfrader)