La Usc di Ladins

Dal prum de aost a la fin del meis l é stat avert te sala del Consei te Comun de Cianacei na mostra temporana con statues e chèdres zipié de Andrea Soraperra da Penia, se n jit ai 31 de otober del 2022. La pissèda, descheche ne à contà sia femena Jolanda Crepaz che à rencurà l’esposizion, la é vegnuda fora l an passà, en ocajion de “Tel cher de Penia”: »L é stat Sabrina Del Favero, conseiera de Comun, che la ne aea dat l’idea de endrezèr vèlch chiò te Comun per recordèr Andrea e donca via per chest’aisciuda é tout endò contat per la embastir via. Son contenta e son segura che ence el l sie content«.

La operes, desche basrelieves e chèdres che moscia momenc de vita da vignidì e de mestieres, ma ence sogec più mitologics, intimes e de fantajia, les vegnia depentes da Andrea enstes o l les portèa vin Gherdena. L’espojizion, che met dant na ventina de scultures de legn, la é averta duc i dis fin ai 31 de aost con orarie 16-19.

De più su La Usc stampèda de en vender ai 8 de aost del 2025  (NICO)