La Usc di Ladins

L ie pu uni ann mpue l medem, l cunzert de Santa Zezilia: la medema luegia, mpue la medema jënt y l medem tëmp dl ann. Ma mpo iel uni ann velch de nuef. Sambën l prugram, che l dirighënt chier ora cun cura, tulan nce ca vel’ pez plu rie y particuler, ma nce la uneranzes, i musicontri nueves y la cunlaurazion cun d’autra istituzions, che porta for inò ite n vënt frësch. Y a chësta maniera ne manciòvel ënghedenó chëst ann pra l cunzert dla Mujiga de Urtijëi n bel publich, che se à ncunfertà y ie unit adalerch nce da plu dalonc a scuté su.

»Chëst ann sons unic cuntatei dal AGNet Salten – Scilier (la rë contra la viulënza, ndr.) per na cam­pania de sensibilisazion«, nes à cuntà la sëurastanta dla Mujiga de Urtijëi Simona Kostner, n cont dl cunzert de Santa Zezilia de n dumënia ai 23 de nuvëmber tla Cësa di Cungresc a Urtijëi. »Bele sun l nvit ons stampà l numer de telefonn che n possa cher­dé su sce n ëssa da ruvé te na situazion de viulënza. Ntan l cunzert à la muderadëssa Valeria Bernardi, che ie nosta marcadëntra, liet dant n valgun pensieres n cont dla viulënza contra l’ëiles y dopro ons sunà n pez mpue plu chiet, »Cast Away«. L ie stat n mumënt che à fat pensé do«.

Elisabeth Kostner

L articul va inant tla edizion nueva de La Usc di Ladins de duman vënderdi ai 28 de nuvëmber.