La Usc di Ladins

Dai prim nchin ai sies de auril iel pra la uties y tl luech de Sëlva stat mesun de fé festa. Dantercëpies, Jëuf de Sela, Piz Sela o ta la furnadoia a val dla Ciampinëi: sun lueges desfrëntes se àl abinà truepa jënt per festejé i ultims dis dla sajon da d’inviern. Nscila fòvel d’uni sort de set de DJs, danter chëi nce de Gherdëina coche Kevin Brook, Diegopesx o Mat–y cun vel’ set monce sun n giat dala nëif. N sada ai 4 de auril à l Freestyle Club de Gherdëina inò metù a jì l »Lockenfest«, la festa dla loca, sun Plan de Gralba pra l lift Pudra. Daujin al mesun de festejé, fova l avenimënt prinzipel chël de ti cialé pro a de tei che furnova sëura na loca ora cun schi o d’autri njins. Vel’ uni ne ti l’à nce nia fata y ie tumà tl’ega. Da rì iel assé y l ie for toch y plën de jënt che ti cëla a chësta hez. N chël di iel sun Sela nce stat na festa cun linaies blances y mujiga da pert dla grupa »the Jam’son«.

Julia Lardschneider

Dut l articul tla edizion nueva de La Usc che vën ora n vënderdi ai 17 de auril.