I agn dai bosć tormentá

Data

15 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chisc dis tëgn i ispetorac dai bosć les sessiuns forestales tradizionales ti comuns dla Val Badia. Incö danmisdé ésera a San Martin de Tor. Intervista al comissar forestal Gottlieb Moling
Jená é le mëis dles sessiuns forestales. Chësta é na buna ocajiun por i paurs y patruns de bosć da ciafé informaziuns de vigni vers por i bosć, trus, les sëmenes y ince le desposiziuns de lege che vel por lascé amarscé, taié y lauré sö lignan. L’ultim altonn á le tëmp – cun plöies y nëis – rosedé y rot tröc lëgns te nüsc bosć y pra, do che ma n ann denant la tempesta Vaia â ardurt milesc de lëgns te strícores y sperses intieres.

Gottlieb Moling, vizediretur dl Ispetorat forestal a Bornech, co é pa piades ia les sessiuns forestales ti comuns olache i sëis bele stá?
"Pro les sessiuns forestales che i ún bele tigní él sté n gran interes y na buna partezipaziun. Al é na buna ocajiun sides por i patruns di bosć, i paurs, mo ince la jënt nia da paur che é interessada ales tematiches dla natöra y dl ambiënt da se informé. Gran plajëi nes fejel ince che i rapresentanc dles organisaziuns di paurs, dl turism, dles fraziuns y di comuns é scialdi presënc."

Cai é pa i argomënc prinzipai pro les sessiuns forestales en chësc ann?
"Chësc ann ciarunse derevers ai laurs y ales problematiches liades al lauré sö le lignan gnü rosedé dal gran vënt de Vaia y ala manutenziun y al ressanamënt di dagns ai trus de bosch. Implü vëgnel presenté i gragn dagns gaujá dala nëi dl novëmber passé y mostré sö, sciöche an pó stabilisé y mioré la cualité di lëgns cun na cura dl bosch persistënta. A gauja dla gran nëi y dles situaziuns da d’invern gnüdes plü adora co ti ultims agn, él sté deplü paurs che s’á stenté da jí cun la boacia. Insciö unse messü relascé tröpes autorisaziuns a pert, che á porté a reclamaziuns da pert de zitadins. Porchël ciarunse da sensibilsé ince por chësta problematica."

Liéde do deplü dodoman tla ediziun stampada!  (Iaco Rigo)