Tl Comun de Badia se posizionëia plan plan listes y candidac. Indó ala pert – ince en chësc ann – é la lista "Deburiada". Dl 2015 ára arjunt 7 mandac. Sciöche la lista scri "ciararara da sostigní le svilup di seturs desvalis – economich, sozial, cultural y sportif – s’impegnan da conscidré dantadöt la sostegnibilité dl svilup che pé val’ iade che sciampes fora dla man, dantadöt ti paisc turistics dl’Alta Badia. Chësc obietif podará gní arjunt sön la bona basa cheriada ti ultimi agn y rovan ite tl Consëi y tla Junta comunala cun porsones competëntes, che pois ince ester de referimënt por i zitadins y por les tröpes assoziaziuns che é tl zënter de nostes comunités de paisc."
A ce dla lista zivica "Deburiada" él l’assessur de comun atual ai laurs publics Thomas Pescollderungg, ala pert él spo ciamó danter l’ater Emanuel Gravino, Günther Fistill, Gertrud Crazzolara, Elmar Castlunger, Daniele Irsara, Emerich Pedratscher, Elide Mussner Pizzinini y Werner Pescosta.
"Deburiada" cun a ce Thomas Pescollderungg
La lista á candidates y candidac da düc trëi i paisc, lapró deplü aconsiadus y assessurs comunai atuai
Galaria retrac
View the embedded image gallery online at:
https://www.lausc.it/valedes-ladines/val-badia/12060-deburiada-cun-a-ce-thomas-pescollderungg#sigProId4cbbd1d67e
https://www.lausc.it/valedes-ladines/val-badia/12060-deburiada-cun-a-ce-thomas-pescollderungg#sigProId4cbbd1d67e