Jlenia Costner, nasciüda a Corvara, fej n laur bindebó particolar, che é ciamó püch conesciü tla valada. Ara é acompagnadëssa tl’organisaziun de nozes, por inglesc na wedding-planner. Gonot n’é la planificaziun nia saurida, suradöt por porsones che vëgn da foradecá. Chësta figöra profescionala condüj i nüc fora por la strada dl matrimone. Ëra nes á cunté ci che al ó dí fá la wedding-planner, les dificoltés che chësc laur á abiné tl tëmp dl coronavirus, mo ince les sodesfaziuns che al ti porta.
Bele canche ara ê plü jona, â Jlenia le some de orëi fá val’ tla vita che foss so, na picera ativité creativa y a contat cun la jënt. Ara ne s’ess nia imaginé da deventé na wedding planner, "n laur che esistî ma ti films y tl’America", nes cunta Jlenia. Cina che n de ára odü n pér de turisć che s’á maridé a Corvara, olache ara é chersciüda sö. Da dailó inant ára metü man da ponsé sura che chësc podess ester val’ che ti plajess.
T’La Usc di Ladins di 3 de messé nes cunta Jlenia Costner deplü de chësc laur particolar. (Lucia Piccolruaz)
So laur: planifiché matrimoni
Organisé y planifiché na noza cina tl ultim detai: chësc é le compit de Jlenia Costner da Corvara, che á ciafé süa pasciun tl laur da "wedding planner"
Galaria retrac
View the embedded image gallery online at:
https://www.lausc.it/valedes-ladines/val-badia/13007-so-laur-planifiche-matrimoni#sigProId41339caafe
https://www.lausc.it/valedes-ladines/val-badia/13007-so-laur-planifiche-matrimoni#sigProId41339caafe