Canche n hotel de nostes valades röia te mans forestes, él dagnora jënt che spizorëia les orëdles, ince deache an á fat de vigni sort de esperiënzes: le hotel Posta d’Al Plan y le Piz da Lec da Corvara é dui ejëmpli plülere da incrësce de chësc vers. Sciosciüre â ince fat iniann d’aurí la noela che investidus cinesc â cumpré le 90% dl »Alpina Dolomites« sön Munt de Suc. En chël iade gnôl baié de »marketing strategich«, che dê soné n pü’ plü morjel co ci che ara se tratâ veramënter: venüda.
Rodunt porchël á ince fat faziun la noela che le grup Aman dl investidú rus Vladislav Doronin ciapa ite tl Hotel Rosa Alpina da San Ciascian. Chiló ne se tratera nia ma de n hotel sciöche n ater, deache le Rosa Alpina é n simbol tl zënter dl paisc badiot y tl’Alta Badia. Dal 1939 incá él tles mans dla familia Pizzinini, che le manajëia tla terza generaziun. Ëi alda pro i pioniers dl turism da San Ciascian, che á albü n bun nes da porté alerch ghesć esclusifs y ince pesoc. Incö é le Rosa Alpina n hotel a 5 stëres, pro chëres che al s’injunta les trëi stëres Michelin dl restorant »St. Hubertus« cun so chef Norbert Niederkofler. Al é porchël da capí che chësta noela á descedé nia ma te nüsc paisc cotan de coriosité y ince n cer’ crüze y nia püces speculaziuns.
Al patrun Hugo Pizzinini ti unse damané ci che chësc partenariat ó dí, y sce le hotel vëgn sëgn venü? Ci che al dij, podëise lí t’La Usc di Ladins di 27 de novëmber (pablo)
Rosa Alpina y Aman laora adöm
Le grup internazional de hotí AMAN devënta partner dl hotel Rosa Alpina da San Ciascian. I nen un baié cun le patrun Hugo Pizzinini
Galaria retrac
View the embedded image gallery online at:
https://www.lausc.it/valedes-ladines/val-badia/14102-rosa-alpina-y-aman-laora-adoem#sigProId0579e6b4c5
https://www.lausc.it/valedes-ladines/val-badia/14102-rosa-alpina-y-aman-laora-adoem#sigProId0579e6b4c5