L'Ajënda ONU 2030 por le dagní de düc nos

Data

23 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I studënc y les studëntes dles Scores Altes da La Ila se á dé jö cun l'Ajënda 2030 dl'ONU y cun le dagní de nosc planët
»L'Ajënda 2030 por n svilup sostenibl« é n plann d'aziun global por le dagní dla porsona y dl planët. Al é gnü sotescrit da 193 stac mëmbri dl'ONU, che se á tut dant da partí l'impëgn da s'arvijiné le plü che ara vá ai 17 obietifs preodüs dal tratat. L'Ajënda ê bele gnüda aprovada ai 25 de setëmber dl 2015 dales Naziuns Unides. Ara se trata de programs, plü che de traverc, cun chi che i governs mëss se dé jö y pié ia, cun de pici y de gran vari, ti ciamps dl'ecologia, dl'economia y dl sozial a bëgn dles generaziuns dl dagní.
Ara vá de bojëgn dla colaboraziun de düc i governs a livel internazional por realisé chisc traverc. Mo ince te vigni stat mëssel gní tut ite vigni componënt dla sozieté: l'aministraziun publica, les firmes, les scores, les uniuns, les families y vignun de nos.
Les aziuns individuales pó fá la desfarënzia. Vignun de nos pó se informé sön i 17 obietifs y se tó dant da fá valch te so pice: partí informaziuns, fá propostes ales istituziuns, mëte da jí iniziatives y dantadöt ativé de bunes pratiches tl consum y tl cumpré ite. 

Chësc s'á ince tut dant i studënc y les studëntes dles Scores Altes da La Ila, che s'á dé jö cun chësc tema y che á partí cun i leturs d'La Usc sü pinsiers y sües minunghes.

I podëis i lí tla ediziun stampada che gnará fora en vëndres ai 27 de forá.   (kp)