La Usc di Ladins

L’inom Craffonara vëgn bele dant tl urbar de Ciastelbadia desco "Grafyonayra" a Badia, aldedaincö ciafunse döes sorts de scrites dl cognom: Craffonara y Graffonara. Le besaun de nosc artist Ujöp Craffonara, deventé conesciü a Riva y lunch y lerch, ê gnü al monn dl 1711 avisa söl lüch de Craffonara a Badia.
Por secui, cina dan la gnüda dl turism de massa tles Dolomites, â n gröm de jënt dla Val Badia messü jí foradecá a se chirí laur y alberch. Tröc jô "dlâjö", sciöche an dijô, dlvers dl Trentin, i posć plü zercá ê Rorëi (Rovereto), Trënt, Riva, yii. Dui badioc che jô chi agn danter le 1700 y 1800 a chirí laur y fortüna dlâjö ê ince i fredesc Tone y Ujöp Craffonara, fis de Casper y Annamaria Da Rungg da La Val (tlamada ince Da Zuen); incër l’ann 1780 jôi cina Riva söl Garda, iló ciafâi da fá i moradus. Ujöp, che ê nasciü a La Val dl 1764, â a Riva maridé Teresa Marini da Rorëi, fora de so liamënt nasciôl ai 7 de setëmber dl 1790 l’artist Ujöp (Giuseppe) Craffonara, che ti ess fat gran onur a döta la cité, al Trentin y ai Ladins por so talënt da depënje, dantadöt operes sacrales.

Liede do deplü tla ediziun atuala de La Usc di Ladins!