La Usc di Ladins

Al Pest Mobilité Sütirol, che é gnü surandé en vëndres ai 17 de setëmber, pól se candidé istituziuns publiches, assoziaziuns, organisaziun y firmes che mët da jí proiec liá ala mobilité. Anter i 17 candidac che á mené ite so proiet por le Pest Mobilité Südtirol 2021, s'á alzé fora chël dl »Mountain Sport Resort« da Calfosch, che s'á plazé al terzo post. Pröm pest por »Alperia« y secundo por la firma »Gruber Logistics«. Le proiet »Bike Hike Alta Badia«, invié ia dal »Mountain Sport Resort« da Calfosch, á sciöche fin chël da ti pité ai ghesć la poscibilité da vire la vacanza tl'Alta Badia zënza messëi tó ca l'auto, tres l'organisaziun de jites, a pe o cun la roda, y la colaboraziun cun les strotöres y d'atres firmes dl post. Al é insciö gnü metü en pe na plataforma integrada por sensibilisé i turisć y por ti fá gní la vëia da vijité les localités te manira plü sostenibla zënza adoré l'auto, smendrin insciö l'impat ambiental.  (kp)