La Usc di Ladins

En mercui dl’ultima edema á na delegaziun dla Ciasa de Palsa Ojöp Frëinademetz podü danü pié do en ocajiun de na incuntada cun le "Verband der Südtiroler Seniorenwohnheime (VdS)" a Bornech la plachëta cun le sigil de cualité RQA. Por la Direziun y por dötes les colaboradësses y i colaboradus dla Ciasa rapresentëia chësc reconescimënt la conferma por le livel cualitatif alt dla strotöra y desmostra che la Ciasa de Palsa pó sot a vigni aspet se lascé odëi. Le sigil vëgn surandé do n audit o na valutaziun da pert de esperc esterns che ejaminëia acuratamënter y a funz düc i sorvisc y dötes les prestaziuns che vëgn chiló pitá.