La Usc di Ladins

Bele de novëmber s'â le Consëi de Formaziun abiné por la reuniun generala, mo en chë' sëra ne êra nia garatada da mëte sö le consëi nü y da lité le presidënt. Insciö s'á i mëmbri induné l'edema passada, ai 1. de dezëmber. Al é gnü invié deplü porsones che á mostré interes da fá pert dl Consëi nü, che é sëgn metü adöm da: Karin Valentin, Magdalena Lerchegger, Margit Valentini, Nicole Bernardi, Giusy Gius, Elide Mussner, Emanuel Gravino, Alexis Bassetto y Otto Moling. Por l'inciaria da presidënta se á metü a desposiziun Elide Mussner, vize presidënta é Karin Valentin, che fajará ince inant la secreteria. Emanuel Gravino sará le cassier. Tratan chisc mëisc de pandemia é l'ativité dl Consëi de Formaziun gnüda limitada dales restriziuns relatives ales poscibilités da se abiné, da mëte da jí cursc y referac dal ví. Mo impó él tresfora gnü organisé evënc y manifestaziuns online che á albü n bun suzes. Co jará pa sëgn inant l'ativité dl Consëi de Formaziun, ci se tol pa dant la presidënta nöia?

I ti ún fat na intervista che i podëis lí tla ediziun stampada che vëgn fora incö, vëndres ai 17 de dezëmber.   (kp)