La Usc di Ladins

Nia ma Kiens ciafará i agn che vëgn na strada de zircunvalaziun, ince Perha. Da en lönesc incá él da ciafé söl portal di apalc provinzial le proiet de realisaziun dl tunel che taia fora Perha.
Dui sará i gragn proiec por la realisaziun de dui rondí, un a ost y un a vest. Chël a ost ará la forma da T y chël a vest gnará desco la incrujada a trumbëta che sará tosc en funziun söl’entrada nöia por la Val Badia. La pert prinzipala dl proiet de zircunvalaziun che interessëia na trassa de indöt 3,3 km trata indere la costruziun de n tunel, 2,3 km lunch.
Les ofertes dles dites pó gní dades jö cina ai 9 de merz 2022 da misdé.
Döt adöm costará i laurs (laurs de costruziun, IVA, spëises tecniches, espropriaziuns, yii.) prevedibilmënter  107,8 miliuns de euro. La soma dada dant por i laurs de realisaziun söl portal dla Provinzia, zënza IVA, se roda söi 80 miliuns.