La Usc di Ladins

Tla Val Badia él chëstes edemes milesc de sciori che passa sües vacanzes. Cun chësc él da capí che al crësc ince la cuantité de eghes pazes. Por ci che reverda i comuns ce Badia y Corvara, vëgn les eghes puzenades tla sarenara da Sompunt. L’implant é conzepí por sarené les eghes de 60 mile porsones. Sëgn éson rová a na capazité de 54-55 mile. Sce les eghes pazes é sciöche ares dess ester, n’él degun problem, iló ti sunse saurí", dij Thomas Pitscheider, responsabl dla sarenara da Sompunt. Indere án tla sarenara a Badia da valgünes edemes incá n problem nia da püch. Les eghes n’é nia "sciöche ares dess ester", ajache al vëgn regolarmënter delot ite boacia. Tla sarenara de Badia ón sëgn ti jí do ala problematica, por ciafé fora da ci paisc y condüta che la boacia vëgn. Che ester nen vára dagnora ma de caji singui y nia de na categoria intiera. Intratan án tla sarenara nia püc problems. I valurs dl bojëgn de aria chimi, de azot, de carbonium é ales stëres, che an stënta da tigní ite i valurs mascimai dá dant dala Provinzia. Lapró ne vëgn les eghes nia plü sarenades indortöra. 

L’apel é sambëgn chël da avëi plü sensibilité. T’La Usc di Ladins di 4 de merz podëise lí deplü sön co che an s’un á intenü, tan alc che i valurs é y le ciodí che ai cheriëia tan de problems. I se l’un cuntada cun le responsabl dla sarenara Thomas Pitscheider.


Tla foto: a man ciampa sciöche les eghes pazes é normalmënter; a man dërta sciöche an les ciafa gonot chisc dis.  (pablo)