La Usc di Ladins

La Cooperativa Turistica Alta Badia á lascé al savëi che la festa de fin de sajun »Vintage Party«, preodüda ai 9 y 10 de aurí, ne garatará gnanca en chësc ann. Ara se trata de n apuntamënt che vëgn dagnora dër aprijé en particolar dala jënt dl post y ince dai ghesć, mo por via dla situaziun internazionala á le Consëi Diretif tut la dezijiun da desdí la festa. »La vera a püc milesc de chilometri, la reaziun dl'opiniun publica y clima che nen é gnü fora, ne é da nos infora nia compatibli cun l'organisaziun de na te sort de manifestaziun«, stal scrit tla e-mail cun chëra che al é gnü comuniché ofizialmënter che la festa »vintage« vëgn sburlada al 2023. Na pert dl budget destiné ala organisaziun dla manifestaziun é gnü surandé a bëgn di muciadus dl'Ucraina.   (kp)