La Usc di Ladins

L'ostí da San Ciascian, Christian Pescollderungg, é le presidënt nü dla Cooperativa Turistica Alta Badia. Pescollderungg á scomencé da lauré por l'Assoziaziun Turistica de Badia dl 2013 y á vit impara les gran mudaziuns che á porté ala fujiun dles trëi assoziaziuns. Al fej ince pert dl Consëi de Aministraziun dl'agenzia de marketing Alta Badia Brand.
Nos l'un incunté y ún baié cun ël de turism, dles problematiches y oportunités liades a chësc setur.

La Usc: Christian, d’aurí ëise surantut l’inciaria de presidënt dla Cooperativa Turistica Alta Badia. Ves aspetâse pordërt da gní lité?
Christian Pescollderungg: I feji pert dla Cooperativa Turistica dal 2013 incá y i á dagnora lauré cun ligrëza. L’inciaria da presiënt ne ái iö nia chirí, mo por la situaziun che é gnüda a se l de y do avëi stlarí la chestiun internamënter tla Junta, m’ái metü ion a desposiziun y i sun gnü lité cun gran maioranza.

I sëis gnü lité ‘pro tempore’, cina les proscimes lites che sará d’altonn. Se metarëise spo inant a desposiziun por la inciaria da presidënt?
Les lites sará de novëmber, mo le Consëi d’aministraziun nü litará le presidënt impormó d’aisciöda, do avëi aprové le bilanz de previjiun. Al momënt ne sai nia da dé na re­sposta, deache por le momënt ói me dediché deplëgn a chësta inciaria por odëi spo da d’altonn co che ara é jüda y iló tó na dezijiun. 

I podëis lí döta l'intervista tla ediziun stampada che vëgn fora indoman, vëndres ai 20 de ma.   (kp)