La Usc di Ladins

La cronica anuala dla Val Badia “Sas dla Crusc” é ince por les mëdes y i berbesc dla Ciasa de Palsa öna de chës publicaziun a chëra che ai se conforta vigni ann dassënn y aspeta ert da la ciafé. Al ti sá bel da platerné laite y da ciaré ci che al é insciö sozedü ia por l’ann tla valada, ai conësc ciamó de vigni sort de porsonen y é interessá ala vita de comunité de so paisc. La cronica é insciö por töpes mëdes y berbesc n lian important cun so paisc nadé y ara ti scinca n pü’ intrategnimënt y val’ora de aurela cörta. Ince en chësc ann ti á la Uniun Ladins Val Badia indô metü a desposiziun gratis ala Ciasa de Palsa n valgönes copies dla cronica “Sas dla Crusc”. La Direziun dla Ciasa de Palsa é tres ligra de chësta bela scincunda y ti á sport ince en chësc ann al presidënt dla Uniun Ladins Val Badia René Pescoll n bel dilan a inom dles mëdes y di berbesc!