La Usc di Ladins

Ai 28 de agost, en ocajiun dla festa de San Senese, le sant patron dla dlijia da La Val, á la comunité podü tó ite deplü iubilars. En chësta ocajiun él gnü festejé i 50 agn da prou de siur Degan Iaco Willeit y siur Paul Campei y i 40 agn da prou de siur Franz Senfter da Oies. An á ince podü festejé i 65 agn de profesciun de monia Valeria Agreiter, 60 agn de monia Cristina Rubatscher y i 70 agn de convënt de siur Robert Miribung. La festa á bele metü man la sabeda sëra cun l’ilominaziun, da pert dla popolaziun, de tröpes ciases fora por paisc, por onoré i iubilars y so sorvisc por la dlijia. La festa é spo jüda inant la domënia danmisdé, canche i iubilars é gnüs tuc ite sön plaza de comun dala comunité da La Val y saludá dal ombolt Angel Miribung denanco se sposté te dlijia. Chiló él gnü zelebré la santa mëssa da siur degan Iaco Willeit y conzelebrada dai dui proi iubilars, Franz Senfter y Paul Campei.


Deplü podëise lí tla ediziun stampada d'La Usc, che vëgn fora en vëndres ai 16 de setëmber. 
 (kp)