La Usc di Ladins

La jöbia ai 20 d’aurí á la Cooperativa Turistica Alta Badia tigní süa sentada generala. Söl program êl ince da lité danü le consëi d’aministraziun de 15 porsones, che é metü adöm da 6 rapresentanc dl comun de Corvara, 6 dl comun de Badia y 2 dl comun da La Val, plü lapró un di trëi ombolc. Tl consëi nü, che sará en ciaria fina da d’aisciöda dl 2026, él rové ite por i ostis Evelyn Complojer Irsara, Iwan Costamoling, Natalie Mellauner, Christian Pescollderungg y Stefano Pezzei. Felix Dapoz rapresentëia i agriturisms/afitaciamenes, Patrick Costner i boteghiers, Heinz Karl Pezzedi i paurs, Stefan Costa i implanc portamunt, Daniel Frenes i artejans, Stefan Valentin les üties da munt, Diego Mussner i bars/restoranc, Egon Pescollderungg les scores de schi, Markus Valentini é rapresentant dla Uniun di Ostis HGV y l’ombolt de Badia Iaco Frenademetz é le rapresentant di ombolc.
En mertesc ai 2 de ma é le consëi rové adöm por partí sö les inciaries. Te chësta ocajiun é Christian Pescollderungg gnü confermé sciöche presidënt dla CT Alta Badia. Vizepresidënc é Diego Mussner y Daniel Frenes.  (pablo)