La Usc di Ladins

Cun i sonns morjí y spo maestusc dl toch "Ammerland", fora dla pëna de Jacob de Haan, á la Musiga da Rina saludé le publich en gaujiun dl conzert d’aisciöda, tigní la domënia ai 7 de má tl salf dles manifestaziuns. La Musiga da Rina á porté dant n program desvalí, cun toc tradizionai cina toc plü moderns – en chësc ann sot a la bachëta dl dirighent nü Martin Egger da Valdaora. 
La Musiga da Rina festejëia en chësc ann i 40 agn da süa refondaziun. Sce an ti ciara al paisc da Rina y le paridlëia cun d’atri paisc dla valada, él na picia comunité. L’uniun é gnüda metüda sö le pröm iade bele l’ann 1928 y é jüda indalater tl 1958 por gaujes nia tleres. Ai 12 de merz dl 1983, sön iniziativa de Alfons Winkler, él spo la Musiga da Rina gnüda metüda sö danü; incö cumpëdera 45 musicontres y musicontri, 6 margatënteres y 4 portabandira. (Anita Sottrovisch, por la Musiga da Rina)

Le conzert é ince stada l’ocajiun da surandé na bela cumpëda de onoranzes. Deplü podëise lí t’La Usc di Ladins di 19 de ma