La Usc di Ladins

Ince sce la contrada alaleria recordâ ciamó la sajun da d’invern, á la Müjiga Calfosch–Corvara impó orü soné ite l’aisciöda, cun so conzert tradizional tigní le vëndres ai 12 de ma, te salf dles manifestaziuns a Corvara. Tröc compaejans y amanc dla musiga, mo dantadöt ince tröpes families cun mituns, é gnüs a d’ascuté sö le conzert, che á metü man dales 20:30. La serada é gnüda daurida cun les melodies dla musiga di jogn "The Groovy Wind Band". Chësc grup é gnü metü sö l’ann passé de setëmber dal verdajogn y vizedirighënt Michael Pescolderung. Ara se trata de n grup olache i mituns che ne fej nia ciamó pert dla uniun, á la poscibilité da soné adöm te n grup. Tratan la serada él spo ince gnü presenté cater mëmbri nüs y surandé cater onoranzes – öna na particolara al dirighënt Gerhard Mohr.

Deplü sön le conzertn scrii Stefanie Irsara t’La Usc di Ladins di 26 de ma