La Usc di Ladins

An podô le odëi danfora che en chësc iade fossel sté n conzert n pü’ particolar: saludé n dirighënt che á mené la bachëta por 45 agn pro l’uniun n’é nia da vigni de, y lapró avëi la fortüna che n dirighënt jonn, mëmber dl’uniun bele da 27 agn, vëgn docá. Insciö éra stada, le salf tla ciasa Runcher a Badia plëgn de jënt á ciarié l’ambiënt de energia, chëra che an adora por se gode le conzert, sides por chi y chëres che le sona co ince por le ascuté sö. Al é sté n pü’ sciöche na gran festa dla comunité, la musiga é teco n uniun che é dër presënta tla vita dl paisc. Danter le gröm de porsones che é gnüdes a ascuté sö chësc conzert, êl ince deplü autorités. Le presidënt dla Junta provinziala Arno Kompatscher y le vizepresidënt dla provinzia Daniel Alfreider s’á ince tut le tëmp da gní a ti fá les mius audanzes ai dirighënc y ascuté sö val’ora de bona musiga.

Liéde inant deplü tla ediziun nöia da indoman, jöbia al 1. de jügn 2023!