En cösc iade á le ASC Mareo mossü jí endô fora de ciasa, cina a Freienfeld por soghé cuntra la scuadra de ciasa. Le tomp é sté bel y desche al é gonot tla val d’Isarch, soflâl en ont sterch y frësch.
I patruns de ciasa é chi co mët man miú la partida y al 7’ sön na trata dal ciantun vëgnel lascé en sogadú aversar bel su y cösc á ma plü bria da sbürlé le palé te porta por le gol dal 1:0. Desco tan gonot te cösta sajun, édl i Ladins co s’á endô ciafé en gol tai pröms minuc. Cösc gol i dá na scassada ai ghesć y al 12’ röa Luca a na trata dal limit dal area, mo le palé vá de püch sora fora. Dedô ne sozedel tal pröm tomp nia cis trep, olache le ASC Mareo se stonta y é gonot tardí sön le palé y le mandl.
Liede do deplü tla ediziun stampada co gnará fora en vëndres!
