La Usc di Ladins

L'ann 2024 é n Ann de Jeunn. Dal’ultima gran prozesciun él impornó passé n ann y mez, mo l’ediziun dl 2022 ê gnüda fata do por l’ann dla pandemia 2021 che â sforzé i cristiagn ladins da sté a ciasa.

Tl'aisciöda 2024 sará Pasca y les Festes bunorides, a chësta mainira é les Antlés bele ai pröms de jügn y la Festa de Cör de Gejú spo ai 9 de jügn 2024. Avisa chi dis dan la Festa de Cör de Gejú, canche le gran transiamënt de auti y motors por les vacanzes todësces sará plü debl, ai 6,7 y 8, s’intorcorará les prozesciuns sura Munt d’Adag y Börz ia en Fones por jí söl crëp sacher dl Tirol a veneré la Santa Crusc.

Al é usanza che i pelegrins maroi y badioc và en Jeunn i dis incër Sant Antone (da Padoa, ai 13 de jügn), porchël vëgni alüsc ince tlamá "Antoniuspilger". Cun le turism á la prozesciun messü s’adaté ales Festes ti Paisc Todësc, che comporta vigni ann tröp trafich de auti y motors sö por i jus, y se adora düc i lec tles ciamenes por i foresć te Fones.