La Usc di Ladins

Che ne conësc pa nia la Airbus, che toca pro les majeres firmes de aviaziun al monn. Na firma internazionala che costruësc fligri, mo ince elicoters. Por mostré n pü’ les mascins che vëgn conzepides y ince les situaziuns desvalies che ares vëgn adorades, vëgnel dé fora vigni ann de plü calëndri – de fligri, de jolers, de aviaziun militara y i.i.
Pro le calënder 2024 di jolers él en chësc ann ince na merscia ladina, chëra de Denis Costa de Badia, che á bele da tröc agn incá la pasciun da fá jö i jolers tles situaziuns plü desvalies. Danter i milesc de retrac mená ite da döt le monn á la juria belavisa cernü la fotografia de Denis por abelí le mëis de setëmber.

Deplü sön le calënder, la foto de Denis Costa y la particolarité dl concurs ciafëise t’La Usc di Ladins di 19 de jená. (pablo)

Chi che ó, pó se desćiarié le calënder chiló: https://www.airbus.com/sites/g/files/jlcbta136/files/2023-12/20232034_2023_calendar-civil.pdf