La Usc di Ladins

Degüna tria tl comun da San Martin por terac che dá do y munts che se sfrogorëia. Do la gran smöia de mez jügn a Lungiarü, él en sabeda dan otedé indô gnü jö bindebó de material. En chësc iade sura Picolin sö, tl post che á bele feter l’inom aladô: Crëp dai Óc, toch dlungia Chës Roes. Al ê bele söla sëra che na porsona á tigní toch te n video sciöche n toch de munt metô man da se sfrogoré. Te chël s’ál destaché de gran cuantités de material, cun lapró ince cotan de lëgns, che é spo raitá jö cuntra val, por fortüna zënza fá dann a porsones o frabiches. Söl post él rové l’Ombolt Giorgio Costabiei y le vize Felix Graffonara, Stödafüch y ince Chi dai Rüs. Un di pröms laurs é chël da romené fora le let dl Rü de Corn, che podess gní bindebó rî, sce al tempiëia. I ves pitun valgünes fotografies.

Deplü ciafëise t’La Usc di Ladins di 12 de messé  (pablo)