La Usc di Ladins

En jöbia ai 19 de setëmber s’á les scolares y i scolars dla scora elemen­tara La Ila, en ocajiun dl’Edema Europea dla Mobilité, dé jö cun l’educaziun stradala. L’Edema Europea dla Mobilité é na campagna a livel europeich, che inviëia i comuns partezipanc a fá para tres scomenciadies de sensibilisaziun devers dla mobilité urbana y sostenibla. Tl 2024 s’á l’edema desfiré dai 16 ai 22 de setëmber.
„L’idea por chësta scomenciadia é piada ia d’isté en fasa de prepa­raziun por le spostamënt dal frabicat atempé al container. Ailó unse nos maestres baié cun i poilzisć dl Comun de Badia, sciöche podëi mantigní inant na segurëza alta por i mituns ince te chësta fasa transitora jö tl container. Chësc ê ince n gran crüze di geniturs. Insciö sunse rová sön chësta idea, che se lasciâ ince porté ite bun cun le program scolastich, sot al punt de edicaziun zivica“, dij la fiduziara dla scora elementara La Ila Tanja Pallestrong

Deplü tla ediziun nöia de vëndres, ai 27 de setëmber!