La Usc di Ladins

Cun les lîtes di 4 de ma se mudarál impó cotan tl comun de Mareo: deache an á despassé ia chisc agn i 3.000 abitanc, rovarál te Consëi 18 porsones impede 15 y ince te Junta sarál n assessur implü, tan co 5 plü l’ombolt. An s’armöi porchël ti paisc por chirí candidac da mëte sön lista, y sambëgn ince candidates, ajache les ëres mëss fá fora almanco n terzo. Dan da 5 agn, da d’altonn dl 2020, ân albü bindebó de dificoltés a Rina, olache al ê gnü presenté na lista cun ma trëi candidac. Propi porchël chiron bele sëgn porsones che se mëtes a desposiziun. Ai 19 de jená án metü a jí na chirida, olache la jënt â la poscibilité da dé jö inoms de porsones che an odess ion sciöche rapresentanc de paisc.

L’interes é sté bas, mo ci inoms che la jënt á fat, podëise lí t’La Usc di Ladins di 7 de forá.  (pablo)