La Usc di Ladins

Podëi ti pormëte ala jënt da spaziré da n paisc al ater, n’é ma nia n’idea che vá bun por n raiun da munt, che vir dla promoziun dl movimënt tla natöra, mo al é n’idea söl vare cun i tëmps y che lascia pro na vijiun de n dagní che á alternatives da pité por arjunje na mobilité plü sostenibla.

Cun la realisaziun dl marciapisc danter San Ciascian y La Ila, é le Comun de Badia rové plü dlungia al travert da curí le raiun comunal cun na rëi de trus, che inviëies la jënt a se sposté a pe o tres d’atri mesi, zënza messëi se senté al volan. Sëgn, do da 7 agn, éra tan inant.
Cun le rové ia dla sajun da d’invern 2024­2025 metará man i laurs por le tretuar nü, che jará a colié le paisc de San Ciascian a chël da La Ila. Le proiet prevëiga la realisaziun de n marciapisc ilominé cun döes architades nöies por le bus. Cun la costruziun dl tretuar gnarál ince metü jö deplü condütes y ros por l'ega, l'eletrizité, la fira otica y gas.
Le trafich gnará tratan le tëmp de costruziun regolé tres n semafer.

La fin di intervënc maius é preo­düda devers dla fin de jügn por rové al complet, cun l’istalaziun di clandri y ater ciamó plü inant. (mo)