La Usc di Ladins

Gran festa á podü fa en domëgna, ai 6 d’aurí, le corp di Stödafüch da Rina, che á recordé bele en chël de so patrun San Florian. Na festa tla festa é stada la benedisciun de n auto nü, che ê bele rové adalerch püch dan Nadé, mo che an orô ince ciamó assiguré jö cun le sigil dal Alt. Le de á metü man cun l’entrada te dlijia dl corp di stödafüch de paisc, che é gnü acompagné da delegaziuns de bandires di paisc vijins – da La Pli cina a La Val – dales autorités de Comun y di Stödafüch, dala Musiga y sambëgn dala popolaziun. La santa mëssa, zelebrada da siur Klaus Sottsas y abelida dal Cor di ëi Col dla Vedla, é stada dër sintida y solëna.
Do mëssa s’á spo la jënt sposté sö cuntra magazin, olache siur Klaus á benedí l’auto nü. Ara se trata de n Ford Ranger Double Cab Wildtrak cun traziun integrala y n motor da 205 ciavai. Dlungia l’auto él ince gnü benedí n modul por medefüch te bosch. 

Deplü sön la festa y sön les carateristiches tecniches di injins, podëise lí y odëi t’La Usc di Ladins di 11 d’aurí  (cw/pablo)