La Usc di Ladins

Al é cotan de ladins che é rová por rajuns desvalies demez dala Val Badia y s’á aciasé dlâfora. Na bela cumpëda n’él ince rové a Raiscia, dal’atra pert de Plan de Corones. Sot al motto "I ladins da Raiscia s’incunta", él gnü metü a jí en sabeda ai 22 de merz na serada de compagnia, a chëra che al á tut pert 14 porsones ladines aciasades lafora: d’Al Plan, Rina, Picolin, San Martin, Antermëia, Lungiarü, Badia, La Ila cina Runcadic. Do n aperitif te n bar dl paisc, é la sëra jüda inant cun na cëna deboriada. Al é sté na ocajiun da s’la cunté y splighé ciodí che an é rová lafora: n valgügn por amur, d’atri por laur, por familia o por la ciasa. Na ocajiun da sté adöm, da imparé a se conësce damí y ince da cianté deboriada por ladin, ci che an ne se desmëntia sambëgn nia.  (pablo)