La Usc di Ladins

La serada dl conzert á ince segné le mëteman de n capitul nü por la uniun: Markus Erlacher d’Al Plan á condüt por le pröm iade le conzert d’aisciöda dla Musiga da La Val, surantolon insciö la bachëta da Stephan Ploner da San Martin, che é sté dirighënt por bëgn 13 agn. I ti dijun n gran dilan a Stephan por so impëgn y süa dediziun desmostrada ti agn da dirighënt.
Le conzert é gnü daurí cun le toch "In aller Kürze" de Thomas Asanger, n toch modern da ritms plëgns de vita, armonies ch’an ne s’aspeta nia y mudamënc costanc de atmosfera. Süa energia aprontada á cherié na introduziun dinamica y atrativa ala serada. Do chësc pröm toch á le presidënt Helmut Dejaco saludé dötes les spetadësses y i spetatus. La moderaziun dla serada é gnüda surantuta cun competënza y sensibilité dala musicontra Silvia Miribung, ch’á salpü da condüje le publich fora por le program musical cun parores tleres, avisa y tres en sintonia cun le spirit dl conzert.

Deplü sön le conzert, i toc y les onoranzes nes cunta Marie Miribung, t’La Usc di Ladins di 13 de jügn